Taaj 護理油

[法國少女護髮油]Taaj 護理油

五感中，嗅覺直達「中腦邊緣系統」，影響人類 75 %情感同記憶。所以想為人留低好嘅第一印象，能夠刺激嗅覺嘅氣味用品都好重要！！特別如果女仔有一把長髮，想長髮漂逸住芳香，可以揀用一D 以精油做基底嘅護髮油😇令頭髮順滑同時仲當埋頭髮香水咁用。

之前去一間丹麥酒店spa做水療果陣，試咗用呢枝髮油。用完之後，幾鍾意佢陣味，之後自己走去買黎用😈。TAAJ 係法國一個小眾品牌，品牌雖然規模無La Roche Posay 呢類咁大，但產品卻可以起法國市場突圍之出！！ TAAJ 呢家公司係結合咗法國皮膚學嘅醫學技術同印度傳統醫藥技術去研究產品，所以無論係包裝定配方都帶丁點兒嘅印度色彩💥💥

呢枝係佢地嘅皇牌護膚油，面部護理油＋護髮油二合一，全身都用得！！用植物提取物和精油配製，❌對羥基苯甲酸酯、❌ 苯氧乙醇、❌ 礦物油。當地好多人會當佢係護髮油咁用😍

主要成分：
☘️月見草油
☘️琉璃苣
☘️澳洲堅果
☘️阿育吠陀基礎油

主要功效：
✅有助改善發紅、緊緻、粗糙問題
✅治療炎症性皮膚，如濕疹、 牛皮癬
✅刺激增生膠原蛋白
✅深度滋潤頭皮
✅改善脫髮、 促進頭髮生增長

佢呢款油係帶有果香甜味，我夜晚用，去到第二日下晝都仲聞到髮香🙈🙈好多法牌出嘅護髮油我都用過，我覺得呢款油個滋潤效果會再更加明顯。我通常都起濕髮下用髮尾油，然後再吹乾。佢吹完出黎個效果頭髮睇落都會更加順滑，但睇落油感又唔太重👍🏻👍🏻。

頭髮護理無論洗頭水定護髮油我都好鍾意用精油配方，精油芳香療法起臨床試驗發現係對治療禿頭同脫髮有效🔥🔥。而呢款護理油係採用咗印度阿育吠陀藥草，配方可防止脫髮和變薄！比起其他牌出嘅護理油更加針對脫髮問題。