Papulex Gel 暗瘡啫哩40ML

好野不私藏！！遇到一枝專對付紅腫瘡，丘疹，膿皰，而且係有效架！！！

呢排圍住下巴位不斷起紅腫瘡，完全無膿頭，但按落去又痛。因為數量開始多，搞到我都開始覺得唔多妥！Papulex 我之前都買過佢洗面既用，佢呢個牌子專出針對暗瘡既產品！

GEL 係主要含有Nicotinamide 4% （維B3, 減少皮膚發炎，唔會有引致抗藥性）同Anti bacterial ingredients 3% 活性成分。

因為佢擦上面都吉吉地，所以我只係擦紅腫瘡既位。竪日起身，係幾粒紅腫瘡消咗勁多，有粒係發緊好痛既直頭係扁埋！！而有原本有一小撻覺得想起粒粒既，突然變番正正常常。

呢枝真心要入手！因為幾難得搵到一枝係對紅腫無膿瘡係短期內有效啊！！！暗瘡暗粒呢D 都比較易退，但針對暗瘡暗粒既產品對紅腫瘡好多都無效。一粒又紅又痛又腫就永不止咁唯有等住退。但有D 位真係唔等得，例如下巴一開始見生紅腫既瘡就好即刻搵野擦，因為以我經驗多數呢D 位一出一定就不斷出。

重覆一次，呢枝係對紅腫無膿瘡有效啊！！！！ 成40ML，每次用量唔需要多都有排用！！