Meridol expert 牙膏

［牙肉唔再出血⚠️］Meridol expert牙膏

呢枝牙膏係6月尾時有viewer叫我代購

我自己都買咗枝黎用。呢款針對牙齦問題的能力，加強保護易出血同牙周炎風險。

Follow咗我地一排既viewers都知我自兩年前開始變咗牙醫診所既常客，過去兩年駁智慧齒，又因為智慧齒搞到其他牙被嚴重蛀食，成排牙已經有兩隻做埋根管治療..呢兩年只係睇牙，整牙同定期洗都已經使咗起碼兩萬幾蚊…

牙醫都同我講我牙齦係屬於極脆弱，有牙齦炎，牙齦位好紅腫，易出血，只能靠定期洗牙睇下洗唔洗得走牙根果d細菌。

由手刷變電動牙刷情況有好小小，但我d牙就變到極敏感，有d位用力小小刷都會出曬血。

呢枝係我呢世人用牙膏咁耐，第一枝令我刷牙唔會再出血，刷平時比較敏感既牙齦位唔會酸痛/敏感。同埋牙齦位睇落無同紅腫既牙膏！我排牙有幾個位平時要就住刷，用力小小會超軟痛甚至出血，用咗佢已經無咗呢個問題！！

果時睇牙醫睇到勁心灰，因為我係好注重牙護理既人，早晚都會刷牙。知有d friend 夜晚唔刷牙，成日食甜野，但牙完全無事唔使睇牙醫。牙醫都只能慨嘆同我講，有d人既牙天生就咁脆弱，只能靠再額外既護理去睇住