Lavera有機野玫瑰活力精華面膜
Lavera有機野玫瑰活力精華面膜

Lavera有機野玫瑰活力精華面膜

Regular price
$99.00
Sale price
$99.00
Tax included. Shipping calculated at checkout.

Lavera 係德國開架既有機品牌,起德國隨便一家超市或者drugstore都買到佢既產品。佢唔止出skincare,佢仲有出一系列既化妝品,標明連孕婦都用得架!(我有位同學隻色用咩牌子既eyeshadow都一定會敏感,唯獨係用Lavera既唔會!)佢既產品有Natrue 有機認證、Vegan 認證同德國BIO有機認證,成分天然安全~

最多德國人喜歡既係佢既野玫瑰系列,淡淡香味聞落超relax! 佢呢個玫瑰面膜係水洗式同獨立包裝(德國出既面膜大部分都係獨立包妝水洗式面膜),主要功效係提亮膚色,美白同補濕。

佢既質地好厚杰,敷既時候面膜會逐漸被吸收然後變成透明,敷15分鐘就可以用水洗走。因為佢唔單止夠補濕,敷完皮膚好柔軟。敷完之後即時效果係皮膚睇落真係有白裡透亮!佢唔係話一敷完你成塊面由黃變到紙咁白,而係本來既暗沉膚色唔見咗,所以睇落面色白裡透紅同面色好,呢點我敷完真係超鐘意。

1包夠用2次,因為質地比較濃杰,所以我會建議偏乾肌用呢款。呢款面膜係又平又好用,5包可以用到成10次,仲要係有機啊!