Lancôme Bi-Facil 速效眼部卸妝水 200ML

特別版200ML 裝，平時個裝得125ML! 平時開架果D 100ML都要$60-$100不等，今次佢出特別裝加大容量版其實都只係開架價錢～～

專櫃既眼部卸妝液我都用過唔同牌子，但Lancôme出Bi-Facil確實係用過我覺得最好用同抵用既1枝！呢枝係一位非常相熟既BA 推介，話佢用過無一枝比Lancôme 既好。枝卸妝液我已經回購咗3次！我對眼係極之容易敏感，稍為有丁點刺激，我都眼都會覺得痛同漂眼水。所以唔講明話敏感眼睛都用得既我多數都唔會買。

簡介：
Bi-Facil適合所有皮膚類型，甚至敏感和隱形眼鏡佩戴者。 Bi-Facil重新純淨你臉部肌膚的呼吸，自然美麗，所有類型的眼妝，包括防水產品。 該產品適用於敏感眼睛和隱形眼鏡佩戴者。 這個 fresh-as-water（新鮮的水）的眼部卸妝水提供速效及溫和的眼部卸妝。 Bi-Facil是最有效的，當搖勻瓶身時，bi-phase配方便會自動活化，徹底卸淨眼部彩妝（甚至防水眼妝），同時不留下油性殘留物於面上。 其產品有舒緩成分和溫和的卸妝配方，便於淨潔你睫毛上的雜質和彩妝，去除結合性的油性物和水性物的影響。 產品已受眼科醫生測試安全。

用後感：
Lancôme 呢枝係講明敏感眼睛都用得，用卸妝液小不免卸眼妝時都會入眼，呢枝我用咗咁耐，完全無感覺過刺痛或者入眼會唔舒服！屬於少數係一開頭用都無話不適既產品！

通常話自己溫和既卸妝液卸防水妝都麻麻，卸到但要點耐性同時間。但呢枝卸眼妝係超級之快，連超防水眼妝都卸得勁快！完全不花力氣同時間，卸得超快超乾淨，完全唔會有黑色眼線殘留～

雖然佢係水油分離款，但佢油膩感絕對唔重。比起一般既水油卸妝液質地更要輕身，唔會出油脂粒。（佢樽身都寫住non-oily instant cleanser)

呢枝真心無可挑剔，佢出200ML我係一定入番2,3枝！好多話專比sensitive eyes 用既眼唇卸裝其實都要$150-200不等，而且好多都係得100ML -125ML。所以呢枝特別抵玩！