La Roche Posay Rosaliac AR concentrate 抗紅舒敏修護精華

如果你係皮膚易敏感，易泛紅的甚至係有生玫瑰痤瘡，要揀精華的話呢枝我都真係私心推介。佢呢枝係標到明可以減少泛紅現象同減少毛細血管擴張。

佢入面有以下成分：
👉🏻植物活性成份- AMBOPHENOL毛葉杯軸花粹取物:蘊含多酚類及花青素，功效被跨國上市科研制藥機構證實，減少血管處於敏感及擴張情況，強化血管壁，保持血管健康。
👉🏻抗炎活性成分- 活性聚合肽舒緩:舒緩改善皮膚敏感症狀。
👉🏻舒緩成分-La Roche-Posay溫泉水:抗刺激和減低充血症狀。
👉🏻真空密封包裝，，排除所有潛在的刺激或導致過敏的物質：不含防腐劑／Paraben／香料／酒精／色素／羊毛脂。

擠出黎係淡黃色凝膠狀質地，推開果下有 D油，要比少少時間推勻佢。如果皮膚好靚，無咩泛紅啊敏感既問題既人用佢可能覺得佢唔好用，無料到。但如果你皮膚好易紅（例如面頰位置），好易皮膚敏感，呢款精華真係恩物黎。你開頭用果2星期已經會見到平時易泛紅既位置明顯比起無用既時候退紅好多，皮膚變得好穩定。唔會三日在唔埋兩日面呢個位痕又果個位痕。因為我都幾鐘意轉skincare用，有時用到唔好用既skincare之後搞到皮膚敏感生粒，我都即時會轉番用呢枝黎穩定番皮膚。而佢又真係calm down到WO！

呢枝唔單止係抗紅，佢仲有舒敏修護功效，對敏感肌黎講真係百搭！市面上有唔少抗敏精華，但呢枝仲做到抗紅，而且仲要係WORK的。