Garnier 橄欖髮膜 300ML

有FOLLOW 開我地的話，一定見過呢個起STORY 間中都會出現。我真係用咗好多罐了！Garnier 出好多系列，佢個蜜糖同橄欖系列係最出名的，亦係稍貴既系列！佢好多個系列我都有買黎用，HONEY 同OLIVE OIL 我都係買全套。我自己覺得蜜糖系列既洗頭水係好用過橄欖系列，但HAIR MASK 就反而橄欖系列好用D！而且係一用之後我都一直係KEEP 住回購，因為又平又好用！

我既頭髮都係定期會漂，染，電。特別係漂過之後D 頭髮係又乾又旱又難梳！所以要用D 滋潤同保濕特別勁既hair mask 去定期修護番頭髮。橄欖呢款既HAIR MASK 係特別厚身，摸落係好有奶油FEEL！所以可以想像到佢真係幾咁潤！

呢個HAIR MASK 用完洗走之後，頭髮係變得勁柔順滑同有光澤感，毛燥感無曬。即使頭髮漂過，用完之後咩髮尾油都唔使用都梳到頭髮，而且佢個味都有種好自然既香味！

用過唔同話比一D 乾枯頭髮用既HAIR MASK，但個質感同洗完個效果都唔夠保潤同潤。呢款都係特別為乾枯頭髮而設，但真係符合到我頭髮既需要，就係要真係夠潤夠保濕，唔係洗走咗就無。

之前只係染髮就未必要用到咁潤既髮膜，但真係漂過你就會發現以前用開既髮膜全都變得唔夠潤了。所以呢罐真心推介啊！！