親愛的顧客,下訂單時請送貨地址欄填寫**中文地址**。如選擇順豐到付,於地址欄填寫順豐/智能櫃編號即可。

Garnier 大麻籽油 50ml

Vendor
1click2beauty
Regular price
$139.00
Sale price
$139.00
Tax included. Shipping calculated at checkout.

Garnier 大麻籽油🌿🌿(hemp seed oil)

近年愈黎愈hit 既大麻籽油🌿🌿,上禮拜行過先發現原來連Kiehl’s 都有出🌚🌚 Hemp Seed Oil係由Hemp萃取出來既成分,完全係不含四氫大麻酚(THC)同大麻二酚(CBD)。Garnier 呢款油出咗一排,即使到而家都一樣勁難買,架上成日sold out,經過十次,去到第9次我先買到黎用🤷🏻‍♀️🤷🏻‍♀️。個個都勁迷呢個系列‼️

(題外話:其實唔止Hemp seed oil, CBD oil 都超級多人用。只係CBD 爭議性好大,有D 學者話無人,但亦有一批人係擁戴CBD oil 。之前我有個同學係專門研究CBD oil, CBD oil 受爭議性地方係醫用上有學界質疑係無止痛消炎效果,抗焦慮。不過,其實好多野未必樣樣即時會實質上數據表達到,例如中醫都好多地方係用科學都仲未證實到有用,但你知我知佢知有效😎😎)

大麻籽油係具有極好的護膚功效,亦被稍為黄金油。佢含有抗氧化劑、蛋白質、胡蘿蔔素、植物甾醇、磷脂,和多種礦物質,及高比例的必需脂肪酸。

⭐功效⭐
✅滋養皮膚
✅消炎
✅抗衰老
✅滋潤乾燥肌膚
✅幫助治愈皮膚損傷
✅抗氧化
✅肌膚細胞的再生,以及加強其角質層的防禦結構

如果日常咁日日用經過冷壓萃取既大麻籽油,因為裡面含有高濃度Omega 3、6、9脂肪酸等肌膚所需養分,唔單止可以舒緩保濕肌膚,仲可以加強角質層防禦力,令皮膚愈黎愈健康🆘🆘

☀️Hemp seed oil聞落去有淡淡既草本味,如果真係要形容咁佢可能就係淡味白花油啦。唔覺唔覺都用咗成半枝!

☀️個人最大感受係皮膚既狀態同穩定性。因為而家天氣太凍,空氣超乾燥,出面得番2, 3度。屋企亦會開暖氣。因為出出入入,出去天氣乾爆,入屋又暖爆,其實咁樣皮膚係好易出現問題,敏感發紅呢D。特別屋企開暖氣,暖係暖,但你會feel到塊面好似被抽乾咁😥😥,但又唔開唔得⋯ 我塊面係起冬天既季節最敏感,但自用佢呢排確實皮膚都係好乖,無敏感,無發紅,無甩皮。

☀️另一大要讚既係佢真係會有同你做到晚間修護。之前share番呢排真係精神狀態好差,日日都失眠,日日都訓得3,4個鐘😓😓。我成日起香港時間8,9 點同我D friend吹水,佢地都問點解我仲未訓,呢邊都凌晨3, 4點。已經KEEP 咗排都係咁⋯ 但即使係咁,我呢排每日第二朝起身係完全睇唔出自己捱過夜,無乜點訓。塊面面色完全同訓足10個鐘果時一樣,黄都無黄,一D 暗啞都無😏😏 但試過有幾日夜晚懶到咩都唔擦,但又失眠,第二朝成隻鬼咁 🙃🙃🙃

☀️大麻籽油質地係屬於非常清爽既植物油,質地流動性超高,超易被皮膚吸收。佢既潤感係極低,所以係極難得一款連油肌都會用到既植物油黎。用完係完全無黏膩感,丁點兒都無。混合肌同油肌一個皮膚最大問題就係水油失衡,擦保濕好易太潤變咗出油勁咗。但完全唔擦保濕野,皮膚底層唔夠水令到皮膚自動再漂油黎滋潤皮膚,完全係惡性循環黎。


大麻籽油係含有世界上最平衡與豐富的油脂來源,脂肪酸有極強既⚠️保濕,⚠️緩解肌膚紅腫、乾癢與敏感功效。同時,大麻籽油具⚠️高效抗炎,⚠️抗氧化等治療功效,可以皮膚發炎、炙熱、紅腫、潰爛問題。

我比較小介紹連混合/油肌都可以用既純植物油,因為確實做到質感清爽而保濕強既油真係唔多。但hemp seed oil 個質感絕對係連油肌都會接受到,唔會覺得擦完油笠笠。但功效極廣‼️‼️

成個美妝護膚市場都已經推測咗Hemp seed oil 同CBD 將會係黎近幾年最多公司會開發既產品。(我覺得其實連大麻都愈黎愈普及,丹麥都有地賣咗比加拿大公司種大麻,大麻油可能都會無耐skincare都會加埋)