Garnier 修復髮乾10 合 1 免沖洗護理 400ml

之前推介過佢綠色款免沖洗護髮乳液，呢款一樣要力推👍🏻👍🏻 頭髮粗硬又打結，特別係漂染燙過髮，唔用護髮素梳唔開頭髮嘅受損髮質，或者唔鍾意用護髮油嘅人，一定要試呢枝救髮神器 😍

呢類嘅免沖洗護理嘅選擇真心唔多，有嘅都係容量小（一般得100-150ML）但售價貴（HKD200-300不等 ）🙈長髮用咁小容量可能只用到一個月🙈🙈

呢款係專針對受損髮質，有以下十合一功效：

⚠️抗熱保護至230°

⚠️修損受損髮絲

⚠️減低梳髮過程損害

⚠️增強頭皮健康

⚠️改善分岔斷髮

⚠️修復光澤

⚠️強效滋潤

⚠️軟化髮絲

⚠️抗打結

⚠️頭髮用後沒有墜落重感

✅我頭髮係屬於極傷髮質，早兩個月漂完個頭之後，我洗頭唔用護髮素嘅話，D 頭髮打結打到用手指係梳唔開髮絲⋯護髮油已經唔岩我呢種極傷髮絲用，因為用小小又唔夠潤，一落多油成個頭睇落油到爆⋯呢枝真係救星黎！！佢係乳液狀，流動性強，2-3個5蚊銀份量已經夠我全頭長髮用。塗抹完之後，係超級易梳開曬打結髮絲，完全不費力！！你係唔會估到佢乳液質感咁輕盈，但滋潤力係咁強！！

✅如果你髮質係好傷，日日花好多時間去梳順個頭。信我，沖完涼後就咁塗上濕髮，即時已經可以用把梳1分鐘內將打曬結嘅頭髮梳順梳直。

✅主要成分含有印度醋栗油，有助促進生髮，延遲生白髮，減少頭皮屑以及增強毛囊生長

✅另一大優點係佢有抗熱保護至230°！！無論夜晚吹頭定日間起身用電髮夾前用，都可以防止熱力高溫傷害髮質！！呢個功效係無一枝護髮油做到！！

✅打開有超濃嘅香橙桃香味，塗後髮絲散發住誘人果香味！！

400ml長髮用起碼用到3個月‼️‼️ 質地係lotion，上完髮係完完全全唔會笠或者油。所以用完頭髮嘅空氣感完全起到😍😍

日日起頭到用幾plump，保持頭髮健康！