Fitness Pharma Fish oil 180粒

Fish oil – 2000 mg
Omega-fatty acid 800 mg
EPA – 360 mg
DHA – 240 mg

其實曾經好耐之前都分享過一次，但發現原來受緊暗瘡困擾既人真係為數唔少，搵我地訴苦既我都好想同你講，我明我真係明。

簡單講講，我以前係唔太生瘡既人，面都無咩瑕疵出街唔用concealer,foundation都無問題。但皮膚比較容易敏感同唔穩定。咁2104年尾﹣2015年中既時候就大爆荷爾蒙瘡。荷爾蒙瘡係難搞到爆，佢生出黎既暗瘡係無膿，而且係又大又腫又痛，唔係一般暗瘡膏或者skincare就能夠搞好。不停上網搵資料，睇人分享又跟住去買係幾乎買10樣10樣都係無用。基本上我就係去到中度暗瘡果種，D瘡係圍住U型咁生，塊面真係爛。望住自己塊面由幾乎零瑕疵到成塊面都生暗瘡，我係無一日唔喊。日日番到屋企第一見事係拎起塊鏡望下D瘡有無多到或者少到，然後望完當然又喊過。其實，咁樣係惡性循環，因為心情都會影響荷爾蒙，所以喊、情緒低落係絕對會令荷爾蒙瘡會惡化。

其實對於真係生荷爾蒙瘡有咩搞法，即使D人whatsapp我問我都係得一個答案，請睇醫生。我就係因為開頭以為唔算好嚴重，不斷去買野搵野試，買來買去試來試去已經浪費左幾個月既時間，而呢段期間暗瘡係不斷惡化無咩好過。到拖到幾個月後去睇醫生既時候，已經去到中度。或者好多人都會覺得，車，醫生都係開抗生素呢D，止得一時唔止得一世。我認同，我當初都係抱住呢個心態所以都無去睇醫生。好彩既話，你可能會搵到一樣岩你既skincare搞掂，而呢個機會真係唔大，因為荷爾蒙瘡係內在問題誘發，唔係一般講你保濕唔夠所以咪出瘡呢D原因而生。

果時一開始睇左個位旺角好出名皮膚X手，我只能講我完全唔覺得佢係有心去睇症。可能係我果時面既情況未係好嚴重。但病看淺中醫呢個道理人人都明，我就係知自己準備發荷爾蒙瘡，情況有嚴重化傾向先走去睇。點知佢無比任何方法我不特止，仲起睇症時比佢臭串左一輪。我出到診所就忍唔住打比起當時仍係我男朋友大喊一輪。大家睇圖已經未去到最嚴重果時啦‌！ 之後就禁，我無再睇過醫生，情況係繼續惡化…睇上網話試乜試乜，試過曬啦，無用之嘛。我果時係生活習慣係日日食9成菜1成肉加飯，晚上跑步一小時，持續左超過一個月。但就係連禁健康既生活習慣都無幫我改善到我面上既荷爾蒙瘡先令我覺得好灰！喊都喊過唔知幾多次，每日一有時間就拎住塊鏡係禁照。就禁過左半年，我自己都頂唔順經過我一位長輩介紹去睇一位西醫。好感激果位西醫，係我遇過最有醫德最有耐性最有心既醫生。間診所係位於中環，佢只係間診所其中一位醫生。日日都爆，一定要預約，但我每次去睇，佢都一定至少花30分鐘以上同我解釋同安慰我。而我亦睇左唔使1個月，情況係有超大改善，亦無覆發。我果時食左2﹣3星期多就已經無再生，瘡都退得7788。食抗生素都係好似skincare咁，係要試到一種岩自己既先會WORK。正如我一開始食四環素，食左1星期都無咩用，同醫生講番再轉另一隻叫紅霉素，食左2﹣3日已經明顯見到D瘡退。對付暗瘡既抗生素有大概10﹣11隻，係要試到岩D瘡先會退。

但基於果時要離開香港，好怕因為環境因素例如飲水同溫度改變而又發暗瘡。所以到步後即時去pharmacy到問藥劑師有無咩藥可以減低暗瘡發既機會。佢就答左我可以食魚油丸同一種叫左zinc既保健產品。佢都略略講解左魚油丸同zinc都係有促進皮膚修復，改善皮膚質素同埋對抗容易生暗瘡既皮膚。我係從來無食過呢2種保健產品，經藥劑介紹就買左圖中果2隻牌子。買完即刻番屋企做做research先知北歐係專出產魚油丸，而質素當然有參差。幸好，位藥劑師叫我買果圖中果款係質素高既一款！點解我要起到特別推？因為我另一半都有同我一齊食。佢都好易出紅腫暗瘡，反正都係保健產品，佢食左個幾月後，係佢另一位朋友問佢做咩呢排面側少左D瘡仔。

我平時食唔少supplement，唯獨係圖中2款我係KEEP到而家都會食，大概食咗2年幾。因為開頭食完一個月後，係見到暗瘡係生少。而食到第2，3個月，皮膚係開始變番白滑。當基於我當中都有試唔少護膚產品，呢個都有好大幫助。香港都有魚油丸同zinc賣，大家可以去萬0／屈神X搵下。當然，咪搵側邊D姐仔介紹，大家先睇再上網search下睇下佢地魚油含量係咪達標！魚油丸價錢係有點貴，但值得投資！

1. Fitness Fiskeolie 呢樽魚油丸含量係1000mg 。丹麥製， 每日食2粒。

市面上有好多款魚油丸，價錢唔同，含量都唔同。 買含量低既即使平食完都無用。大家唔一定要同我買，最緊要去揀時做好資料搜集，始終食落肚既安全至上！魚油丸一樽200粒，大概一樽食到3個月。

2. Zinc係一日一粒，含量10g .

Zinc一樽100粒，大概食到3個月。

寫呢篇既原因係希望皮膚有問題既真係唔好因為暗瘡而搞到自己情緒低落。我知講就易，我當時都日日喊。不過，經驗話我知真係愈喊係愈生得多。暗瘡唔係cancer，唔可能一世都醫唔好。要既只係耐性同時間啊！大家睇下我當時生同而家，咪又係重生！呢篇亦唔係咩SELL野文，因為whatsapp過我地都知通常我一定係先推介番起香港買到既產品先，因為有過經歷先真正知道當下想要既係咩。D BEFORE AFTER圖真係0 修圖，所以毛孔啊泛紅都睇到。