Bioderma ATODERM LIPSTICK 柔潤修護唇膏4g

比較少推介潤唇膏，因為我用果堆都係又油偏潤未必人人喜歡，大家平時睇上嘴圖睇得多都知我個嘴係幾咁爆同成日爆到流血。凡士林同曼受雷X呢D牌子我麻麻地，凡士林用完果下好潤，但好快已經乾曬。而曼受雷X D 潤唇膏硬係唔知點解擦上嘴我總係聞到有陣膠膠地既味。

用過好幾款法國藥妝出既潤唇膏，我覺得Bioderma 呢款係真係幾值得推介！

佢呢款擦出黎係透明，擦上嘴完全唔會泛白（通常呢D 個芯係白色既潤唇霜擦上咗唔小心擦多咗層layer都會顯到有層白色起面/顯白色乾紋）或者個嘴睇落好油淋淋。佢上完你係feel 到個嘴好soft同埋真係夠保濕，唔係果種表面假潤既感覺，同埋一D 都唔黏笠！擦完幾個鐘依然覺得個嘴嘴好水潤。

另一個好好既優點係即使擦有色唇膏前打底，佢都唔會太影響到之後擦既有色唇膏效果。比如你之後係要用mat lipstick，用1枝用完又油又令面既lip balm打底，之後擦任何既有色唇膏個色都效果一定係唔同。而呢枝係唔笠，唔油，保濕，不泛白，所以打底用完全OK！

再有1個我幾鐘意既地方係佢有微微甜香味，用完感覺嘴甜甜的。

佢呢枝係加咗乳木果精華（促進細胞更新，軟化及修護乾裂雙唇油溶性修護配方重構脆弱唇部，防止水份流失）同維他命E能對抗遊離基，抗敏，抗氧化。

如果你未搵到1枝岩你既潤唇，強烈試試呢枝啊！