[堪稱德國銷量最高面膜] Schabens Totes Meer Maske 深層清潔死海泥面膜 5片x 15ml

唔知點解德國唔係好流行出一枝枝既mask，走入佢D 藥裝你見到既就係呢類套立包裝既mask。Paper mask亞洲都唔知出咗幾多年，德國D drugstore都係近呢2年先見得比較多咋！（款依然小到爆）

Schaebens出既mask好肯定咁講呢一款一定係最多人買，最最最出名！呢片深層清潔係重點針對暗瘡同黑頭粉刺。

佢加入咗藻，高嶺土，淤泥，蘆薈同洋甘菊可以防止黑頭粉刺同暗瘡。特別係鋅呢個成分，起皮膚科裡面係成日被用黎治療暗瘡，可以用黎促進皮膚修復、傷口癒合、抗發炎、抗氧化。

呢款既面膜佢清潔力屬於超強，係吸到曬D 黑頭粉刺出黎。如果一D 淺D 既暗瘡我試過敷完佢一係消咗腫，一係就引到個膿頭出黎。敷完果下覺得塊面係極度乾淨同清爽。呢個面膜第一下敷會覺得少少熱同痛，不過都係開頭1, 2分鍾，之前後就無咗呢個感覺。（我自己覺得通常真係清潔力超強先會有呢種感覺）

而呢個面膜另一個好強既地方係佢拎咗Dermatest sehr gut認證，仲要係最高既 5星級臨床認證。Dermatest係德國權威皮膚科醫生協會認證標誌，係德國大型化妝品公司一定會送檢的化妝品檢測機構。亦無加入PEG，有機矽，石蠟，染料，香料。

但提提大家，如果你係敏感肌的話，呢個mask 未必會岩你。因為始終deep clean黎講我覺得佢都幾猛藥。一包成15ML, 我一次一定用唔曬。所以我一開就會分2次用，面細可以分到3次。用完搵膠紙包一包佢就OK。下單1click2beauty.com

題外話，德國出既野，包裝真係長年如一。我5年幾前買佢黎用，用到而家個包裝居然都無咩變過。包裝一樣可以體驗到文化，非常務實！