法國Eau precieuse 珍貴水 375ML

法國Eau precieuse 珍貴水 375ML

Regular price
$139.00
Sale price
$139.00
Tax included. Shipping calculated at checkout.

歐盟對護膚品同化妝品成份一向都比其他國家嚴,特別係含有酸性既產品監管例如果酸,水揚酸,所以係非常之唔容易搵到含有酸類既product。Paula’s Choice買唔到,Clinique mild又真係幾mild(對初用酸既人黎講perfect),就比我無意間搵到款法國出又有水揚酸既toner! 佢個packing,簡單到不行了。

佢樽身有簡介,寫住適合油同暗瘡肌用 (Skin with imperfection)

主要成份:
﹣Boric Acid (消炎抗菌)
﹣Salicylic Acid(疏通毛孔,去角質,收毛孔去暗粒粉刺等)
﹣Tannic Acid (抗氧化,具收歛作用)

總括黎講,係可以日常用既消炎toner。

岩咩人用?
﹣皮膚好易出粒粒 (特別係因為成日化妝搞到皮膚出粒粒,日日用呢款toner就可以簡單地全面深入清潔皮膚一次,令皮膚無咁易出粒。)
﹣暗瘡肌 (有暗瘡就一定係要殺菌殺菌殺菌殺菌,不能用帶有高度養份既精華)
﹣油肌(Tannic Acid係有收歛作用,令油脂分泌減少)

呢款一定要推因為佢真係消炎效果幾出色!有個星期面頰有個位生左幾粒好擾人無白粒既粒粒,無論用咩都整佢唔平。果時呢枝野岩岩到我手,就晚上用佢當toner。第2日起身明顯見到平左,已經覺得好amazing…因為佢真係只係toner一枝,完全無期望佢會咁快有效!而一般用酸都要起碼半個月到1個月你先見到皮膚有好轉,但呢枝真係唔使… 一直KEEP住用佢,皮膚真係無咩點出粒或者出暗瘡~不過,皮膚乾既人之後要做好補濕。

成份夠簡單同針對性,所以用起黎真係覺得特別有效。而且,佢係375ml,容量超大既toner,用多都唔會肉痛!質地係完全同水無分別,聞落去似牙膏味,無加香料。用法當一般toner咁用,倒入化妝棉全面抹1次。

唯一缺點,樽口太大,倒時要好小心。

要不厭其煩再講多次,酸真係最快最有效去改善皮膚質素既產品!