德國Catrice Hydro Plumping Serum

呢枝無耐之前出，出咗之後勁多youtuber出片大讚呢枝仲好用過好多貴一貴既透明質酸精華‼️而且呢枝仲要係法。國。製！！！開咗黎用來真心有驚喜，用完無論個質感定保濕度堅係同賣幾百蚊果D 極之相似！😎😎

起到簡單介紹下catrice，Catrice 係德國開架美妝三大品牌之一，就好似Maybelline起美國咁，無一個人係唔識😍😍

產品簡介：

✅包含1.5％的透明質酸和維他命B5（泛醇）

✅1.5%純玻尿酸面部精華液能補充水分，令肌膚豐盈嫩滑，更加富有彈性。透明質酸能通過吸引和吸收1000倍的環境水分、加強肌膚表面補水。輕盈的凝膠精華質地能迅速吸收

✅維他命B5（泛醇）可為肌膚補水，能夠改善肌膚平衡，柔軟肌膚，提升肌膚彈性

呢枝落咗成1.5%既透明質酸，濃度算係中上💦。可能大家都知，透明質酸濃度愈高，個質地就會愈稠。所以呢枝唔似一般可能無寫幾明幾多%既保濕精華（可能濃度太低了）好似好水咁😗。佢質地會稍為稠身小小，但對於乾肌既我係完完全全接受到。大家可能用過果D 幾百蚊既透明質酸精華，個質感都唔會係好水。

但佢保濕力確實係幾高，擦完成塊面勁脹卜卜，幼紋會即時撫平咗👍👍。拎番之前買果D 大牌用再feel下塊面，真係分別唔太大⋯同埋佢用落有小小香氣，個香氣真係聞落完全估佢唔到係開架野黎！！·佢妝前用都得架！！😉

我明點解咁多德國youtuber推爆呢枝，價錢同效力完全唔成正比！！呢枝平到咁，完全搵唔到缺點。開架價錢，大牌既質素！！😍😍😍