丹麥Beaute Pacifique Superfruit day creme

呢個丹麥品牌可能未必人人聽過，但其實佢係丹麥國民愛用高級品牌，地位仲超越Estee Lauder同Lancome! 丹麥女性無一不曉，大商場同drugstore都一定有佢個counter。佢價錢都唔算平，同一D 大既專櫃品牌差唔多價錢。我自己由佢個眼霜用起先，因為佢有個係加入咗A醇眼霜，除皺抗皺一流。用完覺得真係幾OK，所以買埋佢既面霜。

產品簡介：

為乾性皮膚提供額外的保濕日霜，能夠增強和保持皮膚的特性，盡可能地保持年輕和發光。 減少第一條細紋的可見度。 面霜含三種天然提取物：越橘，綠茶和蘋果樹葉。 它們對皮膚有極高抗氧化功效，可以保護皮膚細胞，同時優化皮膚的更新過程和水分含量以及預防瑕疵和泛紅。

用後感：

質地係乳霜狀，好推得黎仲好易吸收。

擦完皮膚即時滑咗

可以做到滋潤同時保濕而不笠不厚！我諗呢個係我好鍾意既原因，因為如果皮膚偏乾既人單單保濕係唔夠，真係需要係滋潤到皮膚既面霜先會覺得皮膚係唔乾，飽滿。但好多滋潤型既面霜又得個厚／油／笠字，做唔到保濕之外仲厚到會焗出粒！當我以為去到北歐呢D 地方出既cream應該好厚既時候，我膽粗粗帶過番香港用。起香港濕熱天氣之下用，竟然用果個感覺同我平時起丹麥咁乾同凍天氣之下用竟然係一樣。無話因為香港特吃濕熱用會覺得又笠又厚囉！保濕同滋潤度我超滿意啊！而且，我試過係用佢做晚霜，然後成晚開冷氣，第2日係完全無出油依然KEEP住保濕～（大家都知開冷氣第2朝塊面可以係油過煎蛋，因為冷氣會抽乾面部水份。）

而家成日出入冷氣房都在所難免，要搵一個好既cream打底先唔會令塊面爆出油或者乾到龜裂。呢個真心強烈推介比偏乾肌用！！