Babor Ampolue concentrates multiple active vitamin fluid 綜合活性維他命安瓶精華 2ML x 7枝

呢排都係勁POST 安瓶，安瓶唔係用1枝就馬上見效，係要密集地使用當係一個療程先見到顯著效果。我唔係跨大啊，但我的面上有幾粒凹凸洞真係因為密集交替用安瓶而平咗超多！

Babor呢個德國牌子可能大家會比較陌生，佢係一個幾有名氣既德國品牌，連美容院都有用佢地既產品。之前介紹過佢既洗面粉，另一樣想介紹既就係佢既安瓶，佢既所有產品都係Made in Germany ～

佢出咗好幾款，想特別介紹呢款Multi Active Vitamin Fluid（2ML x 7枝），佢含以下4種維他命～

-維他命A-促進真皮層內的膠原蛋白及彈力纖維再生
-維他命B5-保濕，消炎功效
-維他命H-預防皮膚角質層角化、預防皮膚發炎
-維他命E-抗衰老，使皮膚變得更加滋潤更加光滑

講得係Multi就當然綜合性地改善皮膚質素去保持皮膚健康！有時你會覺得皮膚唔係唔好，只係睇落好攰好無生氣，好似停濟不前，既唔係最好亦唔係差。呢個時候就需要呢種安瓶去push一push。

呢枝建議偏乾肌使用，雖然佢唔算笠但又未去到超清爽。

如果你係搵緊一款多方面改善皮膚既安瓶，而唔係單單只搵針對一樣功效既安瓶，Babor呢款首推啊～！