Balea 卸妝油 100ML

講番下自己皮膚先，我用油卸妝如果用得唔好既就好易生粒粒，所以我都盡量唔用。用過pond, loreal, shu uemura, fancl 既我都係會生粒粒，特別係shu uemura，用完之後爆得超勁。用過最好用既暫時都係Bobbi Brown，詳細可以睇番舊post/blog。但佢價錢真係唔平，都成300頭…果時就已經話要搵下有無平靚正既，一直都搵唔到，所以都無介紹。加上，歐洲開架真係唔知點解無咩卸妝油選擇，佢地係用卸妝奶／卸妝紙。我幾乎試過佢地架上既卸妝奶，真係唔多掂…卸妝力好低，而且清潔步驟多，最慘係塞毛孔…用得唔好都無謂介紹。。。 而我終於搵到款好用既卸妝油啦！！！！！！！都係果句，如果唔識買你睇下架上有邊樣剩番1／2枝，多數一定唔會中伏。呢枝就係禁搵番黎…無錯，又係Balea。 .
.
.
呢枝質地係超輕薄既油，你見佢質地倒出黎係好流質，似係加左水既油，係一D重油感都無，一D都唔黏。而佢卸妝力都好好，我手背上係畫上的手上防水防油力強既眼部產品同遮瑕，用呢枝卸妝油倒起手背上按20﹣30秒，再乳化洗走，完全無野留低。呢枝卸妝油卸完，皮膚似係用完保濕潔面產品多過似用完卸妝產品。用完塊面係有baby soft既感覺，baby soft啊，塊面亦完全唔會覺得乾！ . .
.
.先睇睇包裝簡介：Schnelle Reinigung auch bei wasserfestem Make-up （即使防水彩妝都能快速清潔）
.
.
.再睇埋成份，佢特別標明係包含堅果油，堅果油係有好強既滋潤同修護效果，所以平時好怕卸妝產品乾既一定要試呢枝！而且卸妝油既成份非常簡單： 👉葵花籽油
👉十四酸異丙酯
👉乳化劑
👉維生素E
👉 堅果油 .
.
呢枝要推唔單止佢做到卸妝油要做到既卸任功效，重點佢係無令過我出粒粒…而且，懶既時候我連乳化都只係十秒唔夠就洗走（因為聖誕期間真係累到妝都唔落， 千企唔好學），但一樣第2日無生粒無生瘡！ 又唔油膩，卸妝力又好，我又無出粒粒，而且保濕，懶時洗面產品都SKIP埋。唔入點得？ .
.
.*產品通過皮膚及眼科測試 （市面上通過眼科測試既卸妝油有幾多呢？） ＞試過卸眼時卸妝油入眼，完全無刺痛感
*德國製造